"Манчестер Юнайтед" бош мураббийи Эрик тен Хаг жамоаси ҳужумчиси Маркус Рэшфорд ҳақида фикр билдирди. Эслатиб ўтамиз, аввалроқ “қизил иблислар” форварди Белфастдаги тунги клубга ташриф буюрган эди.

"Маркуснинг иши ёпилди. У масъулиятни ўз зиммасига олди, қолган ҳамма нарса ички масала. Тамом. Ҳурматсизлик? Бу борада ҳеч қандай гап йўқ. Клуб жуда аниқ баёнот берди, энди биз бор эътиборимизни футбол ўйинларида ғалаба қозонишга қаратишимиз керак", - деди тен Хаг.

Аввалроқ Маркус партияда иштирок этгани учун 764 минг евро жаримага тортилгани маълум бўлганди. Жорий мавсумда Рэшфорд Англия Премьер-лигасида 20 та ўйинда майдонга тушиб, 4 та гол урди ва 2 та голли узатмани амалга оширди.