“Ювентус” футболчилари уларнинг футбол кумири ким деган саволга жавоб беришди. Тегишли видеони Турин клуби матбуот хизмати эълон қилди.
Ярим ҳимоячи Уэстон Маккенни "Рома" афсонаси Франческо Тоттини айтиб, "кекса синьора" мухлисларини хафа қилди.
"Сизлар мендан нафратланасизлар. Менинг футбол кумирим Франческо Тотти”, - деди Маккенни.
"Ювентус"нинг бошқа футболчилари эса, жамоанинг собиқ ўйинчилари - Криштиану Роналду, Алессандро дель Пьеро, Павел Недвед ва Жанлуижи Буффонларнинг номларини айтиб, анча эҳтиёткор бўлишди.
"Ювентус" айни дамда А Серия турнир жадвалида иккинчи ўринда бормоқда.
