Лионель Мессига ёшлик пайтида агент вазифасини бажарган Орасио Гажоли футболчи ва «Барселона» ўртасида илк расмийлаштирилган шартнома аукционга қўйди.

Хабарингиз бор, биринчи шартнома сальфеткага ёзилган ва унга томонлар имзо чеккан. Ушбу шартноманинг қиймати 300-500 минг фунтга баҳоланмоқда.

Шу пайтгача мазкур шартнома банк сейфида сақланиб келаётганди. Гажоли ушбу сальфеткани «Барселона» музейига жойлаштириш борасида келишувга эриша олмади.

Месси ва "Барса" ўртасида салфеткага ёзилган шартнома тушлик пайтида расмийлаштирилган. Ўшанда «Барселона» техник котиби Карлес Решак футболчига клуб тўлақонли шартнома имзолаш борасида ваъда берган.