АПЛнинг 22-турида Лондоннинг "Тоттенхэм" жамоаси биринчи бўлиб "Брентфорд"дан гол ўтказиб юборди, аммо якунда 3:2 ҳисобида ғалаба қозонишга муваффақ бўлди.
Лондон клуби ярим ҳимоячиси Жеймс Мэддисон муваффақиятли ўйин ҳақида фикр билдирди.
"Қайтиш ёқимли бўлди. Жароҳатланиб, ўйнамай қолсангиз, нима учун футболни бунчалик севишингизни яхшироқ тушунасиз. Биринчи бўлим шиддатли кечди, бу "Брентфорд"га керак эди. Аммо иккинчисида биз яхшиландик ва улар бизнинг суръатимизни ушлаб тура олишмади", - деди Мэддисон BBC Sport билан суҳбатда.
Англия чемпионатининг навбатдаги турида "Тоттенхэм" сафарда "Эвертон"га қарши баҳс олиб боради.
