"Барселона" ярим ҳимоячиси Педри жамоадоши Витор Рокенинг ўйини ҳақида гапирди.
Январь ойи бошида "Барселона"га ўтган 18 ёшли бразилиялик футболчи "Блауграна" сафидаги дебют голини Ла Лига доирасида "Осасуна"га қарши ўйинда (1:0) киритди. Эътиборлиси, форвард захирадан майдонга тушганидан бир дақиқа ўтиб ғалаба голини киритди.
“Витор ҳар сафар майдонга тушганида катта энергия олиб келади. Мен у учун жуда хурсандман. Умид қиламанки, унинг бугунги голи "Барселона" учун биринчи ва муҳим голи бўлади", - дея Педрининг сўзларини келтиради Mundo Deportivo.
Витор Роке аввалроқ Бразилияда “Атлетико Паранаэнсе”да ўйнаган. Футболчининг трансфер нархи 40 миллион еврога баҳоланмоқда.
