Футзал бўйича Ўзбекистон миллий терма Озарбойжондаги халқаро мусобақани мағлубият билан бошлади. "B" гуруҳида иштирок этаётган футзалчиларимиз мезбонларнинг иккинчи жамоаси билан ўйинда 1:2 ҳисобида имкониятни бой беришди.
Биринчи бўлимда озар футзалчиси Вахиб Годжаев ҳисобни очган бўлса, бўлим якунига яқин Артур Юнусов ҳисобни тенглаштирди. 25-дақиқада Заур Фарзиев томонидан киритилган голга вакилларимиз жавоб қайтара олишмади.
Мендез шогирдлари гуруҳдаги иккинчи баҳсни эртага Беларусга қарши ўтказишади.
Кеча "A" гуруҳида ҳам яна бир ўйин бўлиб ўтди. Мезбонларнинг асосий терма жамоаси Латвияга қарши баҳс олиб борди ва 6:1 ҳисобида тор-мор этди.
Боку халқаро мусобақаси
ЎЗБЕКИСТАН - ОЗАРБОЙЖОН-2 - 1:2 (1:1)
Голлар: Годжаев (0:1), Юнусов (1:1), Фарзиев (1:2)
ОЗАРБОЙЖОН - ЛАТВИЯ - 6:1 (5:0)
Голлар: Борисов (1:0), (2:0), Мело (3:0), Мамедкеримов (4:0), Жаддер (5:0), Забаровски (5:1), Машадо (6:1).
13 февраль, чоршанба
«В» гуруҳи. 17:30. Беларусь – Озарбойжон-2
«А» гуруҳи. 19:30. Латвия – Молдова
14 февраль, пайшанба
«В» гуруҳи. 17:30. Беларусь – Ўзбекистон
«А» гуруҳи. 19:30. Молдова – Озарбойжон
16 февраль, шанба
15:30. 5-ўрин учун ўйин. А-3 – В-3
17:30. 3-ўрин учун ўйин. А-2 – В-2
19:30. Финал. А-1 – В-1.
P.S. Ўйинлар Тошкент вақти билан кўрсатилган.
