Аввалроқ "Рома" ва "Наполи"да ўйнаган марказий ҳимоячи Костас Манолас Италия А Сериясига қайтишга яқин турибди.
Журналист Николо Скира хабарига кўра, грециялик футболчи "Верона"га ўтишга яқин турибди.
Эслатиб ўтамиз, Манолас "Ал-Шаржа"ни тарк этганидан сўнг ҳозирда эркин агент мақомида. Футболчи деярли бир ярим мавсумни Бирлашган Араб Амирликларида ўтказди.
Костас "Рома" таркибида 2017/18 йилги мавсумда Чемпионлар лигасининг ярим финалига қадар етиб борганди. Марказий ҳимоячи Чемпионлар лигасининг чорак финалида "Барселона"га урган ғалаба голи билан кўпроқ эсда қолган.
