"Интер Майами" ҳужумчиси Луис Суарес "Ан-Наср" билан ўртоқлик ўйини чоғида жамоадоши, 19 ёшли ҳимоячи Томас Авилесдан жаҳли чиқди. Эслатиб ўтамиз, ўйин Ар-Риёддаги "Кингдом Арена" стадионида бўлиб ўтди ва 6:0 ҳисобида мезбонларнинг йирик ғалабаси билан якунланди.
Ўтказиб юборилган биринчи голдан кейин Суарес Авилеснинг ҳаракатларидан норози бўлгани аниқ. Уругвайлик футболчи жамоадошидан норозилигини фаол билдирди.
Эслатиб ўтамиз, Суарес 2024 йилнинг январида "Интер Майами"га ўтган эди. Футболчининг клуб билан шартномаси 2024 йилнинг декабригача амал қилади. Айни дамда футболчининг трансфер қиймати 4 миллион еврога баҳоланмоқда.
Суарес аввалроқ "Гремио", "Насьональ", "Атлетико Мадрид", "Барселона", "Ливерпуль", "Аякс" ва "Гронинген" клубларида ўйнаган.
