"Уотфорд" "Генк"дан ярим ҳимоячи Гиорги Чакветадзени 2,5 миллион евро эвазига сотиб олганини эълон қилди.
Грузиялик футболчи жорий мавсумнинг биринчи қисмини ижара асосида "Уотфорд"да ўтказди. Футболчини инглиз клуби тўлақонли равишда сотиб олди. Футболчининг клуб билан шартномаси 2027 йилнинг ёзига қадар мўлжалланган. Transfermarkt Чакветадзени 2 миллион еврога баҳоламоқда.
Жорий мавсумда 24 ёшли футболчи 25 та ўйин ўтказиб, 1 та гол урди ва 2 та голли узатмани амалга оширди.
Чакветадзе 2023 йилнинг июнида Тбилисининг "Динамо" жамоасидан "Генк" клубига ўтган эди. Трансфер суммаси 1,5 миллион еврони ташкил қилганди.
29 ўйиндан сўнг "Уотфорд" 41 очко билан Чемпионшипда 9-ўринда бормоқда.
