"Uotford" "Genk"dan yarim himoyachi Giorgi Chakvetadzeni 2,5 million yevro evaziga sotib olganini e’lon qildi.

Gruziyalik futbolchi joriy mavsumning birinchi qismini ijara asosida "Uotford"da o‘tkazdi. Futbolchini ingliz klubi to‘laqonli ravishda sotib oldi. Futbolchining klub bilan shartnomasi 2027 yilning yoziga qadar mo‘ljallangan. Transfermarkt Chakvetadzeni 2 million yevroga baholamoqda.

Joriy mavsumda 24 yoshli futbolchi 25 ta o‘yin o‘tkazib, 1 ta gol urdi va 2 ta golli uzatmani amalga oshirdi.

Chakvetadze 2023 yilning iyunida Tbilisining "Dinamo" jamoasidan "Genk" klubiga o‘tgan edi. Transfer summasi 1,5 million yevroni tashkil qilgandi.

29 o‘yindan so‘ng "Uotford" 41 ochko bilan Chempionshipda 9-o‘rinda bormoqda.