"Манчестер Юнайтед" ярим ҳимоячиси Кобби Майну AПЛдаги дебют голи ҳақида фикр билдирди. 18 ёшли футболчи "Вулверхэмптон"га қарши сафардаги баҳсда (4:3) Эрик тен Хаг жамоасига ғалаба келтирди.
“Бўрилар” 85 ва 95-дақиқаларда иккита гол уриб, қаҳрамонлик кўрсатган бўлсалар-да, 97-дақиқада Майнунинг ажойиб голи меҳмонларга уч очко келтирди.
Ярим ҳимоячи учун бу унинг Премьер-лигадаги фаолиятида илк голи бўлди.
“Бу амалга ошадиган орзу. Бу ўйинда ғалаба қозонишимиз керак эди. Мен ҳали нима бўлганини тушунмадим.
Ростини айтсам, мен буни ҳали ҳам орзу деб ўйлайман. Болалигимдаги клубим учун Премьер-лигада ўйнаш ажойиб.
Энди биз кўпроқ ўйинларда ғалаба қозониш учун ҳамма нарсани қилишимиз керак", - дея Майнунинг сўзларини келтиради BBC.
