"Барселона" президенти Жоан Лапорта жамоа бош мураббийи сифатида Хави Эрнандеснинг ўрнини ким эгаллаши мумкинлиги ҳақидаги саволга жавоб берди.
“Буни Деку ҳал қилади. Aгар биз ижодий ечим топмасак, буни барибир у ҳал қилади. Бўлажак номзод катта тажрибага эга бўлиши керак.
Рафа Маркес? Биз буни истисно қила олмаймиз. Ханс-Дитер Флик? Бу ҳақда Декудан сўрашингиз керак", - дея Лапортанинг сўзларини келтиради RAC1.
Эслатиб ўтамиз, аввалроқ Хави кучли босим ва қониқарсиз натижалар туфайли жорий мавсум охирида жамоани тарк этишини маълум қилганди.
22-турдан кейин “Барселона” 47 очко билан Ла Лига турнир жадвалида тўртинчи ўринни эгаллаб турибди.
