Италиянинг "Салернитана" футбол клуби Мюнхеннинг "Бавария" ва Германия терма жамоасининг собиқ ҳимоячиси Жером Боатенгнинг трансферини эълон қилди.
Эслатиб ўтамиз, Боатенг "Бавария"да 10 йил ўйнаган. Бу вақт ичида немис ҳимоячиси немис клуби билан 25 та соврин ютган. Ҳимоя чизиғи футболчисининг охирги жамоаси "Лион" бўлди. Боатенгнинг француз клуби билан шартномаси ўтган йилнинг 1 июлида якунига етганди. Томонлар ҳамкорликни узайтирмасликка қарор қилишди.
Жорий мавсумда Италия чемпионатининг 22-туридан сўнг "Салернитана" 12 очко билан охирги, 20-ўринни эгаллаб турибди. Ички чемпионатнинг навбатдаги учрашувида "Салернитана" сафарда “Торино”га қарши майдонга тушади.
