Осиё кубоги чорак финал босқичидан ўрин олган Австралия ва Жанубий Корея терма жамоалари ўртасидаги ўйин 120 дақиқа давом этди. Ваҳоланки, ўйин асосий вақтда якунланиши ҳам мумкин эди.

Биринчи бўлимда "сариқ қитъа" вакиллари яхши ўтказишди ва учрашувнинг 42-дақиқасида ҳисобни очишди: Крейг Гудвин дарвозани ишғол қилди.

Австралия иккинчи бўлимда гол уриш учун нақ 3 та вазиятга эга бўлди, аммо бу вазиятларда омад кореяликлар томонида бўлди. Баҳс сўнгида Клинсманн шогирдлари бор куч била рақиб дарвозаси томон ташланишди ва 90+4-дақиқада пенальти ишлашди. Хванг Хи-Чан эса 11 метрли нуқтадан кучли зарба билан ҳисобни тенглаштирди.

Бу гол кореяликлар руҳий устунликни тақдим этди. Биринчи экстра-тайм якунланиш арафасида Сон Хёнг Мин жарима зарбасидан тўпни дарвозага жойлаб қўйди. Ушбу бўлимга қўшиб берилган 4-дақиқада эса австралиялик Айден О'Нилл майдондан четлатилди.

Бу эса амалда ўйин тақдирини ҳал қилиб қўйди. Шу тариқа, Жанубий Корея ярим финалга чиқди ва финал йўлланмаси учун Иорданияга қарши жанг қилади.

Осиё кубоги-2023. Чорак финал
Австралия – Жанубий Корея 1:2 (0:1, 0:1, 0:1, 0:0)
Голлар: 1:0 – 42 Гудвин, 1:1 – 90, пенальти Хван Хи Чхан, 1:2 – 104 Сон Хёнг Мин.
Австралия – Райан, Аткинсон (Миллер, 73), Суттар, Роулз, Бехич, Ирвайн, Баккус (О`Нил, 70), Меткалф (Макгри, 70), Гудвин (Бос, 73), Бойл (Берджесс, 87), Дьюк (Форнароли, 92).
Жанубий Корея – Чжо Хен У, Ким Тхэ Хван (Ян Хен Чжун, 85), Ким Ен Гвон, Ким Мин Чжэ, Соль Ен У, Пак Ен У (Jin-Seop, 105), Хван Ин Бом (Хон Хен Сок, 77), Ли Кан Ин, Сон Хёнг Мин, Хван Хи Чхан (О Хен Гю, 105), Чжо Гю Сон (Ли Чжэ Сон, 69).
Огоҳлантиришлар: Суттар (45), Ким Мин Чжэ (90).
Четлатиш: О`Нил (105).