"Реал"нинг собиқ қанот футболчиси Эден Aзар 2019 йилда "Сантьяго Бернабеу"га ўтишдан олдин "Лос Бланкос"га мос келмаслигини олдиндан билганини тан олди.
Эслатиб ўтамиз, Aзар "Реал Мадрид" тарихидаги энг қиммат футболчи ҳисобланади. Белгиялик футболчининг трансфери учун клуб 115 миллион евро тўлаган.
“Болалигимда Зидан ва “Реал”ни яқиндан кузатиб борганман. Оқ футболкада бошқаларда бўлмаган ўзига хос жозиба бор.
Бошиданоқ бу клубга мос келмаслигимни билардим. "Реал Мадрид" - мақтанчоқ клуб ва мен ундай эмасман.
Бошқа жамоалар билан солиштирганда, мен ўйнаган футболимизни ҳам ёқтирмасдим. Қандай бўлмасин, бу менинг орзум эди. Фаолиятимни шу клубда ўйнамасдан якунлай олмасдим", - дея Aзарнинг сўзларини келтиради L’Equipe.
Эслатиб ўтамиз, Aзар ёзда “Реал”ни тарк этган ва кейин 32 ёшида фаолиятини якунлаганди.
