"Манчестер Сити" ҳужумчиси Эрлинг Холанд ўтган мавсумда ўз олдига қандай мақсадлар қўйганини айтиб берди.
Эслатиб ўтамиз, норвегиялик футболчи "шаҳарликлар" билан дебют мавсумида Премьер-лига, Чемпионлар лигаси ва Англия кубогида ғалаба қозониб, дастлабки икки турнирнинг энг яхши тўпурарига айланганди.
"Мен имкон қадар тезроқ жойлашишни, одамларни, бутун клубни, улар қандай ўйнашни ва нима қилишларини билишни хоҳлагандим. Умуман олганда, мақсад Чемпионлар лигасида ғалаба қозониш эди. Буни биринчи интервьюмда айтганман" - деди Холанд “Манчестер Сити” расмий сайтига берган интервьюсида.
