Мадриднинг "Реал" клуби ҳужумчи Килиан Мбаппенинг ёзги трансфери устида ишлашда давом этмоқда.
Relevo нашрининг маълум қилишича, "Лос-Бланкос" сафида Мбаппенинг жамоага қўшилиши ҳисси кучаймоқда. Клубда Мбаппе ҳақида тез-тез гапирилмоқда.
Шу билан бирга, "Реал Мадрид" президенти Флорентино Перес Мбаппенинг трансферини "Барселона"га маънавий зарба бериш имконияти сифатида кўраётгани таъкидланган. Гап шундаки, каталонияликлар ҳозирда молиявий қийинчиликларни бошдан кечирмоқда ва улар учун футболчиларни келишга кўндириш қийин бўлиб қолди.
Хабарингиз бор, Килиан Мбаппенинг "ПСЖ" билан амалдаги шартномаси жорий мавсум охиригача амал қилади.
