Якшанба куни “Интер Майами” "Гонконг"га қарши ўртоқлик учрашуви ўтказади.
МЛС жамоаси менежери Херардо Мартино Лионель Мессининг аҳволи ҳақида фикр билдирди. Бир кун аввал аргентиналик футболчи “Aн-Наср”га қарши кечган ўйинда захирадан майдонга тушди.
Матбуот юлдуз футболчининг сон қисмида муаммолар борлиги ҳақида хабар тарқатди.
“Биз ҳар бир футболчини машғулотларда баҳолаймиз, чунки биз мавсум олдидан кўплаб ўйинларни ўтказганмиз.
Биз Лео Месси имкон қадар кўпроқ дақиқа ўйнашини истаймиз. У майдонда қанча вақт ўтказиши мумкинлигини аниқлаймиз.
Ҳаммаси эртанги машғулотда нимани кўришимизга боғлиқ. Лекин у ўйнаса керак", - деди Мартино журналистларга.
