Yakshanba kuni “Inter Mayami” "Gonkong"ga qarshi o‘rtoqlik uchrashuvi o‘tkazadi.

MLS jamoasi menejeri Xerardo Martino Lionel Messining ahvoli haqida fikr bildirdi. Bir kun avval argentinalik futbolchi “An-Nasr”ga qarshi kechgan o‘yinda zaxiradan maydonga tushdi.

Matbuot yulduz futbolchining son qismida muammolar borligi haqida xabar tarqatdi.

“Biz har bir futbolchini mashg‘ulotlarda baholaymiz, chunki biz mavsum oldidan ko‘plab o‘yinlarni o‘tkazganmiz.

Biz Leo Messi imkon qadar ko‘proq daqiqa o‘ynashini istaymiz. U maydonda qancha vaqt o‘tkazishi mumkinligini aniqlaymiz.

Hammasi ertangi mashg‘ulotda nimani ko‘rishimizga bog‘liq. Lekin u o‘ynasa kerak", - dedi Martino jurnalistlarga.