"Челси" бош мураббийи Маурисио Почеттино Кристофер Нкункунинг сафга қайтиши ҳақида гапирди.
"Ливерпул"га қарши ўтган ўйинда франциялик футболчи 45 дақиқани майдонда ўтказди ва гол уришга муваффақ бўлди.
“Уни ҳаракатда кўриш жуда яхши. У 45 дақиқа ўйнади, бу унга етарли эди. Кейинги ўйинни бошлай оладими ёки йўқми, унинг ҳолатини таҳлил қилишимиз ва баҳолашимиз керак.
Умид қиламанки, у 45 дақиқадан кўпроқ ўйнай олади. Биз у билан ишлашда давом этишимиз керак. У ўзини кўрсата бошлади ва имкониятдан фойдаланиб, ажойиб гол ура олди”, — деди Почеттино матбуот анжумани чоғида журналистларга.
