"Атлетико Мадрид" сардори Коке келажаги ҳақидаги саволга жавоб берди.
Ярим ҳимоячи ҳалигача клуб билан шартномани узайтириш борасида келишиб олгани йўқ - амалдаги келишув июнь ойида тугайди. 32 ёшли футболчи бутун фаолияти давомида "Атлетико"да ўйнаган.
"Бу мавсум менинг бу ердаги охирги мавсумим бўлиши мумкинми? Билмайман. Бу яхши савол. Лекин ҳозир фақат "Реал" билан бўлажак ўйин ҳақида ўйлаяпман. Кези келганда шартномамни узайтиришни муҳокама қиламиз”, - деди ярим ҳимоячи Movistar нашрига берган интервьюсида.
Коке 2009 йилда асосий жамоадаги дебютидан буён барча мусобақаларда "матрасчилар" сафида 600 дан ортиқ ўйин ўтказди.
