"Барселона" бош мураббийи Хави ёзда жамоани тарк этгач, таътилга чиқади, деб хабар беради AS.

У 1998 йилдан, яъни профессионал майдондаги дебютидан бери танаффуссиз футбол ичида. У 2019 йилда футболчилик фаолиятини якунлади ва дарҳол “Ас-Садд”ни қабул қилди ва у ердан 2021 йилда “Барселона”га ўтди. Энди у дам олиб, оиласи билан вақт ўтказмоқчи, дейди манба.

Футболга қайтгач, Хави Премьер-лига клубларидан бирига мураббий бўлишни орзу қилади, аммо А Серия ва Бундеслигада ишлаш имкониятларини истисно этмайди. Мутахассиснинг таътили тахминан бир йил давом этади, аммо муддат таклифларга боғлиқ бўлади.

Хави "Барселона"га қайтишни истисно қилмаслигини айтди, аммо манбанинг таъкидлашича, бу кўпроқ узоқ муддатга боғлиқ.

Экзотик чемпионатларда ишлаш имкониятлари 44 ёшли мураббийни қизиқтирмайди - у Қатарда аллақачон ишлаган ва Серхио Бускетснинг "Интер Майами"ни бошқариш ғоясини рад этган.

Эслатиб ўтамиз, Хави жорий мавсум якунида “Барселона”ни тарк этади.