"Бавария" бош мураббийи Томас Тухель "Байер"га қарши бўлажак ўйин ҳақида ўз фикрлари билан ўртоқлашди.
Шанба куни ҳар икки чемпионлик даъвогарлари ғалаба қозонишди: Мюнхенликлар Мёнхенгладбахнинг «Боруссия»сини (3:1), леверкузенликлар эса "Дармштадт"ни (2:0) мағлуб этишди.
10 февраль куни бўлиб ўтадиган ўйин олдидан "Байер" "Бавария"дан икки очко олдинда.
"Биз тепада бўлишимиз керак, бошқа йўл йўқ. "Байер"га қарши баҳсга тайёрмиз. Бизда уларга мавсумдаги илк мағлубиятларини қабул қилдириш имконияти бор, чунки биз атиги икки очко ортда қолдик.
Лекин биз майдонда ҳаммасини исботлашимиз керак, ўйиндан бир ҳафта олдин шов-шув кўтармаслигимиз керак", - деди Тухель.
