"Милан" бош мураббийи Стефано Пиоли A Серия доирасида "Фрозиноне"га қарши сафар учрашувидан (3:2) кейин ҳужумчи Лука Йовичнинг ўйини ҳақида гапирди.
Сербиялик форвард учрашувда ҳал қилувчи голга муаллифлик қилди.
"Лука - жамоанинг асосий ўйинчиси. Мен уни ҳар доим ажойиб футболчи деб ўйлардим. Уни ҳар куни рағбатлантирардим.
У майдонда кўп дақиқаларни олмайди, лекин ўйин вақтида у жамоага максимал фойда келтиради", - деди мутахассис.
Италия чемпионатининг жорий мавсумида 26 ёшли форвард 15 та ўйинда майдонга тушди. Ҳужумчида бешта гол ва битта голли узатма бор.
