Москванинг ЦСКA клуби ярим ҳимоячиси Саша Зделар “Бешиктош”га ўтишга яқин турибди, деб хабар бермоқда Deportes Reportes.
Манбага кўра, сербиялик футболчининг трансфери устида Туркия жамоаси президентининг шахсан ўзи шуғулланмоқда. Ҳар икки томон музокараларда маълум ютуқларга эришди. Шартнома 3,5 йилга имзоланади.
28 ёшли футболчининг "армиячилар" жамоаси билан амалдаги шартномаси 2025 йилнинг ёзига қадар мўлжалланган. Transfermarkt портали уни тўрт миллион еврога баҳоламоқда.