"Айнтрахт" "Манчестер Юнайтед"дан ижарага олинган ярим ҳимоячи Донни ван де Бекни Конференциялар лигаси қайдномасига киритмади.
26 ёшли нидерландиялик Германия жамоасига келиб қўшилганидан буён учта учрашувда қатнашиб, жами 172 дақиқа майдонда ўтказди ва самарали ҳаракат қилмади.
Регламентга кўра, қишки трансфер ойнасидан сўнг клублар еврокубоклар қайдномасига уч нафар янги футболчини қўшиб олишлари мумкин. "Айнтрахт" ҳимоячи Филипп Макс, шунингдек, ҳужумчилар Уго Экитике ва Саша Калайжични рўйхатдан ўтказишга қарор қилди.
Конференциялар лигасининг 1/16 финалида Франкфуртнинг “Айнтрахт” клуби Бельгиянинг "Юнион" жамоаси билан тўқнаш келади. Биринчи ўйин 15 февраль куни, жавоб ўйини 22 февраль куни бўлиб ўтади.
