“Ливерпуль” ҳимоячиси Виржил ван Дейк АПЛнинг 23-тури доирасида “Арсенал”дан учралган мағлубият (1:3) учун жавобгарликни ўз зиммасига олди.
Учрашувнинг 67-дақиқасида нидерландиялик ҳимоячи ва дарвозабон Алиссоннинг хатоси эвазига “канонирлар” ҳужумчиси Габриэль Мартинелли гол уриб, жамоасини ҳисобда олдинга олиб чиқди.
“Мен бунинг учун тўлиқ жавобгарликни ўз зиммамга оламан. Бу учрашувдаги бурилиш нуқтаси бўлди. Мен яхшироқ ўйнашим керак эди, тўғри қарор қабул қилишим керак эди. Ҳозир бу менга ҳам, бутун жамоага ҳам оғир бўлмоқда. Бу голдан олдин биз яхши эдик, имкониятларимиз бор эди, биз устунлик қилаётгандик. "Арсенал"нинг иккинчи голидан кейин вазият ўзгарди.
Мен нотўғри қарор қилдим, футболда шундай бўлиб туради. Афсуски, фаолиятимда бундай эпизодлар кўп бўлган. Мен бу хатодан сабоқ оламан. Мен ҳар доим нимадир нотўғри бўлган вазиятлардан ўрганаман", - дея ван Дейк сўзларини келтиради Goal.
"Ливерпул" 23 турдан кейин 51 очко билан АПЛ турнир жадвалида пешқадамлик қилмоқда. “Арсенал” 23 турдан кейин 49 очко билан иккинчи ўринда бормоқда.