“Liverpul” himoyachisi Virjil van Deyk APLning 23-turi doirasida “Arsenal”dan uchralgan mag‘lubiyat (1:3) uchun javobgarlikni o‘z zimmasiga oldi.
Uchrashuvning 67-daqiqasida niderlandiyalik himoyachi va darvozabon Alissonning xatosi evaziga “kanonirlar” hujumchisi Gabriel Martinelli gol urib, jamoasini hisobda oldinga olib chiqdi.
“Men buning uchun to‘liq javobgarlikni o‘z zimmamga olaman. Bu uchrashuvdagi burilish nuqtasi bo‘ldi. Men yaxshiroq o‘ynashim kerak edi, to‘g‘ri qaror qabul qilishim kerak edi. Hozir bu menga ham, butun jamoaga ham og‘ir bo‘lmoqda. Bu goldan oldin biz yaxshi edik, imkoniyatlarimiz bor edi, biz ustunlik qilayotgandik. "Arsenal"ning ikkinchi golidan keyin vaziyat o‘zgardi.
Men noto‘g‘ri qaror qildim, futbolda shunday bo‘lib turadi. Afsuski, faoliyatimda bunday epizodlar ko‘p bo‘lgan. Men bu xatodan saboq olaman. Men har doim nimadir noto‘g‘ri bo‘lgan vaziyatlardan o‘rganaman", - deya van Deyk so‘zlarini keltiradi Goal.
"Liverpul" 23 turdan keyin 51 ochko bilan APL turnir jadvalida peshqadamlik qilmoqda. “Arsenal” 23 turdan keyin 49 ochko bilan ikkinchi o‘rinda bormoqda.