Мадриднинг “Реал” клуби яқин орада ўз дарвозабони Андрей Лунинга янги шартнома таклиф қилиши мумкин. Журналист Маттео Мореттонинг ёзишича, украиналик дарвозабон "Сантьяго Бернабеу"даги фаолиятини узайтириши мумкин.

Манбанинг қўшимча қилишича, "Реал Мадрид" Луниннинг жорий мавсумдаги ўйинидан жуда мамнун. Эслатиб ўтамиз, украиналик футболчи жароҳат олган Тибо Куртуа ўрнига ёзда Лондоннинг “Челси” клубидан ижарага олган Кепа Арризабалага қарши баҳсда ғалаба қозонган эди.

Луниннинг "Реал" билан амалдаги шартномаси 2025 йилнинг ёзида якунига етади. Украиналик футболчи мунтазам ўйин амалиётига эга бўлиш учун клубни тарк этишни хоҳлайдими ёки йўқми, ҳозирча раҳбариятга аниқлик киритмаган.