"Челси" бош мураббийи Маурисио Почеттино жамоасининг асосий таркибини қайта қуриш ҳақида ўйламоқда. Журналист Низар Кинселла хабарига кўра, аргентиналик мутахассис кейинги ўйинларда учта марказий ҳимоячидан иборат таркибга ўтиши мумкин.
Эслатиб ўтамиз, Англия Премьер-лигасининг сўнгги икки ўйинида “Челси” “Ливерпуль” ва “Вулверхэмптон”дан 4 та гол ўтказиб юборганди. Бу чемпионат мавсумида жамоа рақиб дарвозасига урган голидан кўра кўпроқ гол ўтказиб юборди. Ҳимоядаги муаммолар Почеттинони ўйин услубини ўзгартириш ҳақида ўйлашга мажбур қилди.
Кеча "Вулверхэмптон"дан 2:4 ҳисобида мағлуб бўлган "Челси" АПЛ турнир жадвалида 11-ўринга тушиб кетди.
