"Манчестер Юнайтед" ярим ҳимоячиси Кристиан Эриксен клубини ўзгартириши мумкин. Бу ҳақда TEAMtalk нашри хабар бермоқда.

Манбага кўра, 31 ёшли ярим ҳимоячи хизматларига Туркиянинг "Галатасарой" клуби қизиқиш билдирмоқда. Қайд этилишича, клуб 9 февраль куни қишки трансфер ойнаси ёпилгунга қадар Эриксеннинг трансферини амалга ошириш учун бор кучини сарфлайди.

Жорий мавсумда даниялик футболчи барча турнирларда 19 та учрашувда иштирок этиб, битта гол урди ва иккита голли узатмани амалга оширди. Эриксеннинг "Манчестер Юнайтед" билан шартномаси 2025 йилнинг ёзига қадар амал қилади. Transfermarkt портали футболчининг нархини 13 миллион еврога баҳоламоқда.