Ярим ҳимоячи Жесси Лингард "Сеул"га ўтишга яқин турибди, дея хабар беради журналист Фабрицио Романо.
Манба берган хабарга кўра, 31 ёшли англиялик Корея жамоасига янги ўйинчи сифатида тиббий кўрикларнинг биринчи қисмидан ўтган. Икки йиллик шартнома чоршанба куни имзоланиши кутилмоқда.
Лингарднинг сўнгги клуби "Ноттингем Форест" бўлиб, у 2022 йилнинг июлидан 2023 йилнинг июлигача ўйнаган, шундан сўнг у эркин агентга айланган. У жамоа сафида барча мусобақаларда 20 та ўйинда майдонга тушиб, 2 та гол урди ва 2 та голли узатмани амалга оширди.