Yarim himoyachi Jessi Lingard "Seul"ga o‘tishga yaqin turibdi, deya xabar beradi jurnalist Fabrisio Romano.
Manba bergan xabarga ko‘ra, 31 yoshli angliyalik Koreya jamoasiga yangi o‘yinchi sifatida tibbiy ko‘riklarning birinchi qismidan o‘tgan. Ikki yillik shartnoma chorshanba kuni imzolanishi kutilmoqda.
Lingardning so‘nggi klubi "Nottingem Forest" bo‘lib, u 2022 yilning iyulidan 2023 yilning iyuligacha o‘ynagan, shundan so‘ng u erkin agentga aylangan. U jamoa safida barcha musobaqalarda 20 ta o‘yinda maydonga tushib, 2 ta gol urdi va 2 ta golli uzatmani amalga oshirdi.