The Athletic хабарига кўра, "Барселона" ва "Интер"нинг собиқ футболчиси, ҳозирда Камерун футбол федерацияси президенти кечаги ижроия қўмита йиғилишида истеъфога чиқди, шунингдек, федерация бошқарувининг қолган аъзоларини ҳам шундай қилишга чақирди.

Қайд этилишича, Это′Онинг қарори Камерун терма жамоасининг Нигериядан мағлуб бўлганидан кейин Африка Миллатлар Кубогининг 1/8 финал босқичидан чиқиб кетишига муносабат бўлган. Турнир давомида жамоа фақат битта ғалабага эришди – Гамбия терма жамоаси устидан (3:1).

Йиғилишдан сўнг Камерун футбол федерацияси раҳбарият аъзолари Это’Онинг истеъфосини бир овоздан рад этганликлари ҳақида баёнот берди.

Олдинроқ Это′О келишилган ўйинларда, футбол расмийларига таҳдид ва коррупцияда айбланаётгани, ФИФА тергов бошлагани хабар қилинганди.