"Челси" бош мураббийи Маурисио Почеттино клуб хўжайинлари билан яхши муносабатда эканини айтди.
2022 йилнинг ёзидан бери трансферларга 1 миллиард фунтдан ортиқ маблағ сарфлаган "Челси" хўжайинлари ҳали сармояларидан даромад кўрмаяптилар – "кўклар" Премьер-лига жадвалининг қуйидан жой олган.
Бироқ, Почеттинонинг таъкидлашича, раҳбарият билан муносабатлари ёмон натижалар туфайли бузилмаган ва уларнинг алоқалари узилмаган.
"Мен клуб хўжайинларидан бир нечта хабарларни олдим, лекин менимча, биз ҳаммамиз бу вазиятда бирдаммиз ва бу энг муҳими. Улар мен ва спорт директори билан алоқада.
Турли сабабларга кўра биз шунчаки майдонда ўзимизни кўрсата олмаяпмиз. Футболда энг муҳими - бу ишонч ва биз мураббийлар штаби ва футболчилар ўртасида ишончни мустаҳкамлашимиз керак, чунки майдонда ўзини намоён қилиш уларнинг қўлида", - деди Почеттино Sky Sports билан суҳбатда.
