"Наполи" ярим ҳимоячиси Пётр Зелиньски тез орада "Интер" билан шартнома имзолайди.
29 ёшли футболчи "Наполи" билан июнь ойида тугайдиган шартномасини узайтирмасликка қарор қилди. Инсайдер Фабрицио Романонинг сўзларига кўра, “Интер” июль ойида амалга ошириладиган трансфер шартлари бўйича польяк билан тўлиқ келишувга эришишга бир қадам қолган. Томонлар фақат охирги тафсилотларни ҳал қилишлари керак. Милан клуби келишув шу ой якунланишини истамоқда.
Польяк 2016 йилдан бери "Наполи"да ўйнаб келмоқда. Жорий мавсумда ярим ҳимоячи неаполликлар сафида барча турнирларда 26 та ўйин ўтказиб, 3 та гол урди ва голли узатмани амалга оширди.
