Хави мавсум охирида жамоани тарк этиш ниятини эълон қилганидан кейин "Барселона" янги бош мураббий топиш устида ишламоқда. AS хабарига кўра, яқин келажакда "Блауграна" президенти Жоан Лапорта жорий мавсумдан кейин "Ливерпуль"ни тарк этишини эълон қилган Юрген Клопп билан учрашишни режалаштирмоқда. Шу билан бирга, германиялик мутахассиснинг атрофидагилар аллақачон каталонияликларга Клоппнинг бир йилга таътилга чиқиш истаги қатъий эканини маълум қилишган. Шундай қилиб, Лапортанинг ёзда Клоппни қўлга киритиш имконияти деярли йўқ, аммо у буни жуда хоҳлайди.

"Барселона" айни дамда Испания чемпионати турнир жадвалида 3-ўринни эгаллаб турибди.