"Челси" бош мураббийи Маурисио Почеттино жамоанинг Англия чемпионатидаги кетма-кет иккинчи мағлубиятидан сўнг ОАВ ва мухлисларнинг танқидларига жавоб берди.
31 январь куни “кўклар” “Ливерпуль”га 1:4 ҳисобида имкониятни бой берган бўлса, 4 февралда “Вулверхэмптон”га (2:4) ютқизганди.
"Баъзида хато қилишимиз мумкин, аммо бу футбол. Бу содир бўлди ва биз олдинга интилишда давом этишимиз ва кучли бўлишимиз керак. Ўйлайманки, бизда жуда яхши ўйинчилар бор, лекин турли сабабларга кўра биз одамлар кутгандек ўйин кўрсата олмаяпмиз.
"Ливерпуль"дан учралган мағлубиятдан сўнг улар шундай дейишди: "Бу жуда катта муваффақиятсизлик. "Челси"ни қаранг - ёмон, ҳозир "Ливерпуль"га мағлуб бўлишади. Аммо "Арсенал" билан ўйиндан кейин "Ливерпуль"нинг шунга ўхшаш натижаси ҳақида бирорта одамдан худди шундай гап эшитмадим", - дея мураббийнинг сўзларини келтиради Goal.
