"Chelsi" bosh murabbiyi Maurisio Pochettino jamoaning Angliya chempionatidagi ketma-ket ikkinchi mag‘lubiyatidan so‘ng OAV va muxlislarning tanqidlariga javob berdi.

31 yanvar kuni “ko‘klar” “Liverpul”ga 1:4 hisobida imkoniyatni boy bergan bo‘lsa, 4 fevralda “Vulverxempton”ga (2:4) yutqizgandi.

"Ba’zida xato qilishimiz mumkin, ammo bu futbol. Bu sodir bo‘ldi va biz oldinga intilishda davom etishimiz va kuchli bo‘lishimiz kerak. O‘ylaymanki, bizda juda yaxshi o‘yinchilar bor, lekin turli sabablarga ko‘ra biz odamlar kutgandek o‘yin ko‘rsata olmayapmiz.

"Liverpul"dan uchralgan mag‘lubiyatdan so‘ng ular shunday deyishdi: "Bu juda katta muvaffaqiyatsizlik. "Chelsi"ni qarang - yomon, hozir "Liverpul"ga mag‘lub bo‘lishadi. Ammo "Arsenal" bilan o‘yindan keyin "Liverpul"ning shunga o‘xshash natijasi haqida birorta odamdan xuddi shunday gap eshitmadim", - deya murabbiyning so‘zlarini keltiradi Goal.