"Астон Вилла" бош мураббийи Унаи Эмери Англия кубоги 1/16 доирасидаги "Челси"га қарши ўйиндан умидлари билан ўртоқлашди.
Эслатиб ўтамиз, ушбу жамоаларнинг илк учрашуви 0:0 ҳисобида дуранг билан якунланганди. Испаниялик мутахассиснинг сўзларига кўра, лондонликлар Англия кубогида муваффақиятга эришиш учун мотивацияланган, чунки Премьер-лигада еврокубоклар зонасидан узоқда.
"Мен яхшироқ "Челси"ни кутаман. Сафарда дуранг ўйнадик, лекин биринчи бўлимда кўп курашдик, улар биздан яхшироқ эди. Иккинчи бўлимда секин-аста ўз ғояларимизни, ўйин режамизни белгилаб олдик ва гол уриш ва ғалаба қозониш учун имкониятларга эга бўлдик. Аммо биз бунга лойиқ эмасдик", - дея Эмери сўзларини келтирмоқда "Астон Вилла" расмий сайти.
