"Реал Мадрид" "Жирона"га қарши Испания чемпионатининг муҳим уй учрашувига тайёргарлик кўрмоқда. Ғалаба қозонган тақдирда, Карло Анчелотти шогирдлари энг яқин таъқибчисидан очколари сонини бештага оширади.
"Реал Мадрид" ҳозирда марказий ҳимоячи позициясида муаммоларга дуч келмоқда. Эдер Милитао ва Давид Алаба оғир жароҳатлар билан узоқ вақтга теркибдан чиққан. Бошқа футболчиларда ҳам муаммолар бор: чоршанба куни Антонио Рюдигер индивидуал дастур бўйича машғулот ўтказди, Начо эса тренажёр залида ишлади.
Шу тариқа, "Лос-Бланкос" марказий ҳимоячиларидан ҳеч бири умумий гуруҳда машғулот ўтказмади.
