"Барселона" трансфер бозорини ўрганмоқда, жамоани кучайтира оладиган футболчиларни қидирмоқда. Transfer News Live нашрининг журналист Ферран Корреасга таяниб хабар беришича, "Брайтон" футболчиси Каору Митома Каталония клубининг радарида.
Қайд этилишича, 26 ёшли японияликнинг келишуви доирасида "Барселона" Ансу Фатидан фойдаланиши мумкин. Ҳозирда Каталония гранди тарбияланувчиси бўлган ушбу футболчи ижара асосида "Брайтон"да тўп тепмоқда.
26 ёшли Каору Митома 2023/2024 йилги мавсумда 24 та ўйин ўтказди. Уларда япон учта гол ва олтита голли узатмани амалга оширишди. Transfermarkt портали мутахассислари футболчини 50 миллион еврога баҳоламоқда.