Каталониянинг "Барселона" клуби спорт директори Деку жамоани тарк этган ярим ҳимоячи Серхио Бускетснинг ўрнига футболчи топиш қанчалик қийин бўлганини тушунтирди.
"Бускетснинг кетиши "Барселона"га катта таъсир қилди ва унинг ўрнини ҳеч ким боса олмади. Услуби бўйича Серхиога ўхшаб кетадиган ягона футболчи бу "Манчестер Сити"дан Родри, аммо уни ҳеч ким сотмоқчи эмас. Киммих "Бавария"да ва уни қўлга киритиш қийин эди. Қаранг, "Челси" Кайседо учун қанча тўлаган. Бизга осон бўлмади. Молиявий фейр-плей ҳолатини инобатга олган ҳолда, биз Гюндоганга таяндик, у жамоага тажриба ва сифат қўшди”, деди Деку.
