Испания Ла лигаси президенти Хавьер Тебас “Барселона” нима учун Суперлигада иштирок этишга рози бўлгани ҳақида ўз фикри билан ўртоқлашди.
Эслатиб ўтамиз, яқинда Европа суди янги футбол турнири ташкил этилишини маъқуллаган эди. “Суперлигани Лапорта эмас, Флорентино Перес ихтиро қилган. Жоан ҳеч нарса ўйлаб топмади;
"Барселона"даги ҳозирги иқтисодий вазиятни ҳисобга олсак, бу унга жуда қийин. Суперлигага ёзилиб, Лапорта лотереяда ютиб олишни истайди", - дея Тебаснинг сўзларини келтиради Mundo Deportivo.
“Барселона” айни дамда Испания Ла Лигасида биринчи ўриндан 8 очкога ортда қолган ҳолда учинчи ўринни эгаллаб турибди.
