Ғарб матбуотида янги футбол лойиҳаси муҳокама қилинмоқда - бу йил ёзда фахрийлар - бугунги кунда 35 ёшдан ошган футболчилар учун мини-жаҳон чемпионати ўтказилиши.
Daily Mail инглиз нашрининг аниқлик киритишича, ушбу турнирда саккиз мамлакат – Aнглия, Aргентина, Франция, Бразилия, Германия, Италия, Испания ва Уругвай фахрийларидан иборат жамоалар иштирок этиши мумкин.
Яъни, катта жаҳон чемпионатида ғолиб чиққан мамлакатлардан. Бразилиялик Кака, Кафу ва Роналдиньо каби ўтмиш юлдузлари, шунингдек, франциялик ҳимоячи Марсел Десайи турнирни ўтказиш ва унда иштирок этиш истагини билдиришган.
