G‘arb matbuotida yangi futbol loyihasi muhokama qilinmoqda - bu yil yozda faxriylar - bugungi kunda 35 yoshdan oshgan futbolchilar uchun mini-jahon chempionati o‘tkazilishi.
Daily Mail ingliz nashrining aniqlik kiritishicha, ushbu turnirda sakkiz mamlakat – Angliya, Argentina, Fransiya, Braziliya, Germaniya, Italiya, Ispaniya va Urugvay faxriylaridan iborat jamoalar ishtirok etishi mumkin.
Ya’ni, katta jahon chempionatida g‘olib chiqqan mamlakatlardan. Braziliyalik Kaka, Kafu va Ronaldinyo kabi o‘tmish yulduzlari, shuningdek, fransiyalik himoyachi Marsel Desayi turnirni o‘tkazish va unda ishtirok etish istagini bildirishgan.
