"Қалдирғочлар”нинг Анталия йиғини доирасидаги навбатдаги рақиби Белоруссиянинг “Шахтёр” клуби бўлди.

Учрашувни Миржалол Қосимов шогирдлари тезкор хавли ҳужумлар билан бошлашди. Бу эса кўп ўтмай ўз самарасини берди. Алибобо Раҳматуллаев томонидан оширилган пасни Александр Пишур боши билан “Шахтёр” дарвозасига аниқ йўллади – 1:0.

Учрашувнинг 35-дақиқаси ўтиб бораётган паллада солигорскликлар стандарт вазиятидан ҳисобни тенглаштиришди – 1:1.

Иккинчи бўлим бошларида Игорь Таран ўзининг аниқ зарбаси билан “қалдирғочлар”ни олдинга олиб чиқди. Бироқ бу голга ҳам рақиб аъзолари тезкор жавоб қайтара олишди.

Иккинчи бўлим охирларида Александр Пишур яна икки бор рақиб дарвозасини ишғол қилди. Ҳар иккала сафар ҳам бурчакдан оширилган пасларни боши билан дарвозага йўллади.

Шу тариқа, “Бунёдкор” 4:2 ҳисобида ғалаба қозонди. Бугун кечки маҳал “қалдирғочлар” Украинанинг “Черноморец” клубига қарши учрашувда майдонга тушишади.

“БУНЁДКОР” – “ШАХТЁР” (Солигорск, Белоруссия) 4:2 (1:1)
Голлар: Александр Пишур 24, 82, 87, Игорь Таран 58
“Бунёдкор”: Акбар Тўраев, Дилшод Жўраев, Камолиддин Тожибоев, Абдуқаҳҳор Хожиакбаров, Жавлон Иброхимов, Олег Зотеев, Игорь Таран, Алибобо Раҳматуллаев, Сардор Рашидов, Баҳодир Пардаев, Александр Пишур
Захирадан майдонга тушганлар: Муроджон Зухуров, Фозил Мусаев, Жасур Ҳасанов