Украиналик дарвозабон Андрей Лунин "Реал Мадрид"нинг асосий дарвозабони жароҳати туфайли имкониятга эга бўлди ва ҳозир у машҳур клуб раҳбарияти унга шартномани узайтиришни таклиф қилишига умид қилмоқда. У фаолиятининг энг яхши дамларини бошдан кечираётганига ишонади:
"Фаолиятимнинг энг яхши палласидаман. Ҳозир мен мунтазам ўйин амалиётига эга бўлдим, илгари бундай бўлмаган. Майдондаги ўйинларим билан ишончни оқлашга ҳаракат қиламан. Агар ўйнамасангиз, бу жуда қийин", - деди Лунин.
Украиналик дарвозабон 2018 йилдан бери Мадрид клубида тўп тепмоқда, бироқ кўп вақтини у ижарада ўтказган.
