Германия терма жамоаси бош мураббийи Юлиан Нагельсманн келгусидаги режалари билан ўртоқлашди.

Бош мураббийнинг амалдаги шартномаси Германия терма жамоасининг Евро-2024 мусобақаси якунланганидан сўнг дарҳол тугайди. Мутахассис "Барселона" ва "Ливерпуль" учун номзодлар қаторида.

"Сентябрь ойида Германия терма жамоаси мураббийи бўламанми? Мен ҳали бу ҳақда ўйламаганман. Шартномам ёзда тугайди, аммо ҳозир асосий эътибор Европа чемпионатига қаратилган. Турнирдан кейин қолишимни кўрамиз. Агар шундай бўлса, мен Миллатлар лигасини яхши ўтказиш ва гуруҳда ғалаба қозониш учун ҳамма нарсани қиламан, лекин биринчи навбатда Евро-2024да муваффақиятли иштирок этишимиз керак", - дея Нагельсманнинг сўзларини келтиради журналист Флориан Плеттенберг.