Франция терма жамоаси бош мураббийи Дидье Дешам Миллатлар лигаси гуруҳ босқичига қуръа ташлаш натижаларига изоҳ берди.
Французлар Италия, Бельгия ва Исроил терма жамоалари билан бир гуруҳдан жой олишди. Биринчи баҳслар шу йилнинг кузида бўлиб ўтади.
“Биз буни кутгандик. Бу аввал ўтказилган ўртоқлик ўйинлари ўрнини босди. Жуда мустаҳкам гуруҳ, бизни олтита қизиқарли учрашув кутиб турибди.
Aммо бу кузда бўлади ва олдинда жуда банд ёз бор. Ҳозир барча фикрларимиз Германиядаги Европа чемпионатига тайёргарлик билан боғлиқ", - дея Дешамнинг сўзларини келтиради Foot Mercato.
